[box=black][IMG]http://i187.photobucket.com/albums/x22/mungchacha_com/III-1.jpg[/IMG]

[size=3][color=darkorchid][color=silver]影片名稱 : 黑社會(又名龍城歲月) (香港版)
藝人名稱 : 任達華 | 梁家輝 | 邵美琪
導       演 : 杜琪峰 To Kei Fung  
發       音 : 粵語, 國語
字       幕 : 英文, 繁體中文
影片格式 : DAT
檔案大小 : 0.98GB
片      長 : 99 分鐘
電影級別 : III
做種時間 : 3天
驗證全碼 : 30b2c61916acdc0a464fea0ddd45d159b55ce01c
出版日期 : 2005年12月23日
發      行 : 鐳射發行 (HK)


電影簡介

挾著入圍康城競賽部份的榮譽，榮獲台灣金馬獎11項提名，杜琪峰的新作《黑社會》特別叫人期待。揭開香港「黑社會」神秘面紗，杜琪峰以最平實的手法，將鏡頭直指向一個原本三百年前義士組織，幾經時代變遷中的變質，令人性不斷被權力與慾望所侵噬。由影帝級的梁家輝，與任達華、張家輝、林家棟、 張兆輝、邵美琪、古天樂、林雪等「杜氏」實力派演員班底出色演出。
故事源自反清復明的愛國組織「洪門」而衍生的香港社團「和聯勝」，由於阿樂(任達華飾)與大D(梁家輝飾)競爭而兩年一度的「龍頭大佬」選舉，引起龍頭棍跨境爭奪戰。杜氏透過整個選舉經歷(英文片名為《Election》)，來看出被捲入殘酷權力鬥爭中的人性，並將《黑社會》這個社會邊緣文化發展反映出香港歷年來劃時代的轉變。

《黑社會》並非營造一般港產式的浪漫英雄主義，杜氏沒有巧賣弄得太多，拍出水準之餘，編劇游乃海在這齣大型男性群戲將複雜骨幹幫會派系人物情節緊扣連接，任達華及梁家輝一「忠」一「奸」、打手張家輝、大學生古天樂、道義派林雪、生意人張兆輝、來自大陸的林家棟，以及由王天林為首的「叔父」輩，每位演員也表現出色。片中如「吞羹匙」及多幕因搶奪「龍頭棍」的暴力場面更成為話題，結局亦備受爭議。 《黑社會》是2005年香港片的實力佳作，而票房亦創出亮眼的成績。[/color]


[/color][color=silver][b]故事簡介[/b]

[size=2]故事嘅背景係講述香港黑社會一啲內部爭鬥嘅事情，當中圍繞住好多唔同嘅人，關係亦千絲萬縷，所以角色人數亦特別多；而且當中混雜好多黑社會嘅背語（即係暗示語）同埋所謂家法嘅場面，令到套戲嘅真實感覺更強。

幫會「和聯勝」每兩年就要再選一個新嘅辦事人（最高統帥），今年又係選舉嘅時候，有兩個最有實力嘅地區老大企出嚟參選，佢哋為咗哩次選舉各自招兵買馬，四出拉隴社團叔父同埋其他地區嘅話事人支持。同一時間，警方已經嚴密監視哩次幫會選舉嘅動靜，知道當中一定會有問題發生。

阿樂係幫會喺佐敦區嘅話事人，為人內冷外熱，係一個冷靜溫和嘅人，不過如果招惹到佢嘅話，可以心狠手辣到得人驚，有一個好愛o錫嘅仔；大D就係荃灣嘅渣FIT人，聲大氣粗，外內都係一樣咁冷酷無情，邊個得罪佢嘅話就預咗冇好下場，佢老婆主要就幫佢手睇住盤生意。

幫會班叔父之中，除咗寸爆同一兩個叔父之外，其餘嘅人都傾向選阿樂，而輩份最高嘅叔父鄧伯亦企喺阿樂嗰邊，所以喺叔父輩嘅投票之中，阿樂以大票數勝出，當選為下一任嘅「和聯勝」龍頭大哥。不過幫會龍頭一定要有龍頭棍嚟做信物，龍頭棍就係幫會嘅團結象徵，每一任龍頭大哥都好好咁保管，如果唔係的話幫會好可能出現混亂。鄧伯叫阿樂去搵現任幫會龍頭吹雞攞支棍準備接任，但係俾大D截糊搵咗吹雞，仲恐嚇佢唔好交支龍頭棍出嚟；吹雞兩頭唔到岸，唯有叫手下四眼明去廣州攞返支棍之後收埋唔好拎出嚟，睇定個形勢再算。

吹雞去酒樓見大D，勸佢唔好搞事，大D於是發難要打佢；同一時間，警方正式大舉出動，仲拉咗「和聯勝」一眾大哥返差館問話，包括鄧伯、阿樂同埋大D，而吹雞就喺俾警察拘捕嘅時候，為咗唔想俾大D追打而衝咗出馬路，俾橫過嘅車輾到重傷。

一班大哥被困喺差館嘅羈留所度，總督察許SIR就搵咗三個叔父傾計，要佢哋平息阿樂同大D之間嘅不和，唔想江湖多事；當阿寸爆入去羈留室勸大D，大D居然揚言要搞個「新和聯勝」嚟同將會由阿樂掌旗嘅「和聯勝」抗衡；後來警方再安排鄧伯入去同大D傾，希望搵個大嘅可以拆掂單嘢，點知大D直認不諱話想另起爐灶，仲即場同鄧伯反面，正式向阿樂宣戰。

另一邊廂，阿樂嘅軍師師爺蘇同埋得力助手大頭一齊搵返俾人綁咗去嘅四眼明， 仲搵返支龍頭棍，於是大頭就帶住支棍走先，師爺蘇就留低應付殺到嚟嘅公安。大頭拎住碌龍頭棍搭跨境貨車返香港，而東莞仔就受咗老大命令聯同大D嘅頭號馬仔一齊去兜截大頭；路上個貨車司機藉詞去廁所停低車走咗去，大頭覺得唔對路，即刻落車逃走，點知都俾東莞仔追到，仲打咗大頭一身要佢交支龍頭棍出嚟；後來東莞仔個老大再打電話話大頭先係自己人，叫東莞仔拎返支龍頭棍返去交俾幫會殺手飛機，再轉交俾阿樂嘅手下火牛。

當東莞仔保住支龍頭棍正在駕車返市區嘅途中，Jimmy 仔喺後面跟住想幫阿樂拎返支棍，東莞仔誤會以為佢係大D嘅人，叫飛機出嚟阻止佢嘅跟蹤，但其實Jimmy仔只係想幫佢老大龍根報仇，因為龍根喺選舉上面左右不定，最後俾大D糟質到不似人形。正當飛機接過龍頭棍想搵火牛嘅時候，原來一早已經有人喺度恭候，而落車嘅正係大D嘅頭馬長毛，佢哋挾持咗火牛，要飛機交支龍頭棍出嚟；當飛機一夫當關想救火牛之際，Jimmy仔從後出現，兩個夾手夾腳打走班打手救走火牛，不過飛機就俾人斬到重傷要入醫院。因為傳送龍頭棍有功，後來支棍交到阿樂手上之後，阿樂就認咗Jimmy仔，東莞仔，師爺蘇，大頭，飛機哩幾個立功嘅功臣做契仔。

阿樂仲喺羈留室嘅時候，知道重傷嘅吹雞為咗脫罪想爆大D嘅罪証俾警方，覺得哩個係拉隴大D嘅好機會，於是搵人搞掂咗吹雞，而阿樂喺放咗出去之後仲幫手保釋埋大D；喺架車度，兩個人終於傾掂數以後有錢齊齊搵，喺關二哥面前重新斬雞頭燒黃紙再次結義，從此阿樂同大D就携手合作，仲聯手殺死尖沙咀最大勢力嘅老大恐龍，正式搶埋尖沙咀嘅生意。

一日，阿樂同個仔約埋大D兩公婆去郊遊釣魚，傾傾吓大D提出新意見，但係哩個意見就令到阿樂好唔滿意，跟住發難將大D兩公婆殺死，埋咗兩條屍之後就驅車離開……
[/size][/color][/size]

[size=6][color=red][b]警告 : 此片為三級片, 未滿十八歲人仕請勿下載[/b][/color][/size]


[img]http://www.rthk.org.hk/culture/movie/mfile_342_36279_1.jpg[/img][img]http://www.rthk.org.hk/culture/movie/mfile_342_36279_2.jpg[/img][/box]

感謝分享

感謝分享

Thanks for your sharing.

很暴力血腥的黑社會龍頭之爭,好看!